مهاجرت اجباری زنان؛ از سرکوب طالبان تا اخراج اجباری از پاکستان

در ادامه‌ی اعتراض‌ها به موج تازه‌ی اخراج اجباری مهاجران افغانستانی از پاکستان، فعالان حقوق زن می‌گویند که به دلیل سیاست‌های سرکوب‌گرانه‌ای طالبان، هزاران نفر به‌ویژه زنان مجبور به مهاجرت شدند.

صالحه عینی، یکی از فعالان حقوق زن می‌گوید که زنان، دختران و فعالان حقوق بشر به دلیل سیاست‌های محدودکننده‌ی طالبان مجبور به فرار از کشور شدند.

به گفته‌ی بانو عینی، زنان در حاکمیت طالبان تحت “ظلم، استبداد، شکنجه، بازداشت‌های خودسرانه و حتا تجاوز” قرار دارند.

او می‌افزاید که این خطرها، آنان را مجبور به ترک افغانستان و پناه بردند به کشورهای همسایه کرده است. خانم می‌افزاید که “مجبوریت‌ها و ناامنی‌ها” زنان را وا داشته که افغانستان را ترک کنند.

صالحه عینی با اشاره به عامل‌های مهاجرت افغانستانی‌ها، از سیاست دولت پاکستان در برابر مهاجران انتقاد می‌کند. او می‌گوید که وضعیت زنان افغانستانی تحت حاکمیت طالبان از دید هیچ‌کس، کشور و نهادی پوشیده نیست.

گفتنی‌ست که دولت پاکستان در روزهای پسین، خانه‌های مهاجران افغانستانی‌ را بررسی کرده و آنان را به‌گونه‌ی اجباری اخراج می‌کند.

این اقدام طالبان موج تازه‌ی از نگر‌انی‌ها را در میان مهاجران برانگیخته است.